أختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها )) وراك وراك ((
================================================مل احظة: اجب عن الأسئلة
التعجيزية التالية و عددها ( 6 ) إجباري و ( 1 ) اختياري على أن يكون
مجموع الأسئلة (7)
ملاحظة: عجلة الجاذبية 9.8 ( في حالة انك حبيت تنط من الشباك)
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو))
================================================
السؤال الأول (20 درجة)
¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬¬ موضوع تعبير
قال أحدهم: " حسين زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسين زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى ))
(20 درجات)
================================================
السؤال الثاني ( 8 درجات (
قال ريكو في أغنية (( خلي الشعب يعيش )) مايلي :
–––––––––––––––––––––––
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
================================================
الأسئله
1-اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 درجات(
3-استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات (
4-استخرج من البيت الثالث صورتين فوريتين مبينا نوع الكاميرا (3 درجات (
================================================
مساحة خالية للإعلان- ت : واحد اتنين .. الجيش العربي فين
================================================
السؤال الثالث –اختياري- (5 درجات)
أعط أسباب ما يلي مع شرح وافي :
((ياعم كبر يا عم بص .. ده حتى بص ده الواد بيلظ((
================================================
1-تم نقل السوق المالي إلى سوق السمك ؟ (2 درجات (
2- إقبال الناس الى شراء نوكيا 9990 و عدم شراء نوكيا 9900 ؟ (2 درجات (
3-إغلاق شبكة الأخبار Pnn بعد زواج شارون ستون ؟ (2 درجات (
4-أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجات (
================================================
أخي الممتحن أقلب الصفحة: والله لتندم عالساعة اللي دخلت فيها المدرسة
السؤال الرابع (8 درجات(
اكتب الاسم المستوفى من السؤال
----------------------
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
ورد ذكر اسم هذا الرجل في اكثر من مسلسل تليفزيوني )؟ (5 درجات(
================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ((
================================================
السؤال الخامس (20 درجات(
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
-----------------------------------------------------------------------------------------
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة :
1- ماذا كان يريد ان يقول عمرو دياب للمزة ؟ (4 درجات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجات(
3- ما اسم صبي الخياط بتاع ام الموديل اللي كانت مع عمرو في الكليب ؟ (2 درجات(
================================================
هذا الامتحان برعاية بيبسي المشروب الرسمي لهذا الامتحان
================================================
السؤال السادس ( 19 درجات)
اجب عن أربعة فقط من الأسئلة التالية
------------------------
1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)
2-ً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو ) (5 درجات)
3- ما رأيك بموقف "حسام" من "ثريا" في مسلسل الحقيقة و السراب ؟ (5 درجات)
4-من برأيك أقوى وأفضل بوكيمون - هل هو – بيكاتشو ؟؟؟ (5 درجات)
5-اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة في كوريا و اليابان 2002. (5 درجات)
================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
================================================== =======================
سؤال المساعدة ( لرفع العلامة ) ( 20 درجات)
و ملهوش لازمة اساساً :
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
================================================
انتهت الاسئلة
و نلقاكم في امتحان الدور التاني انشاء الله ربنا يعينكم علينا
منقوول..
موضوع: امتحان الثانوية العامة لغة عربية 2010 
الثلاثاء يناير 19, 2010 1:16 pm
